1.Working Software and Iterations – Agileافكار لتطبيق ال

اول فكره ممكن نطبقها في الشغل هي اننا نحاول نطلع working software اللي هو جزء صغير من الشغل بس كامل و خلصان كل مراحل الشغل في وقت قليل و نكرر ده علي كذا مرة و بكده نبقي طلعنا جزء شغال working software علي iterations و كل مرة بنبني علي اللي فات ، وفي اخر كل iteration بنقيم الشغل اللي خلص و بنقيم طريقة شغلنا.،و التحدي هنا اننا نقدر نقسم شغلنا لاجزاء صغيرة نكون نقدر نخلصها كلها في وقت قليل و كل الناس اللي هتشتغل علي الجزء ده  مركزة علي نفس الهدف .

هنقول ان الفترة دي اسبوعين ..يبقي كل واحد هنا هياخد الجزء اللي شغال عليه و يتاكد انه خلص للاخر و دي هتبقي الاولوية ، يعني لو انت developer يبقي تخلص الجزء بتاعك و تتاكد ان مفيش bugs مهمة عليه من الtesting سواء الtesting بتاعك او الtesting team ,و لو فيه شغل integration كمان يكون خلص

طبعا هيقابلنا معوقات اننا نقدر نحدد ايه اللي ممكن يخلص في الوقت ده (و دي تحديدها بييجي بالخبرة شوية بشوية ) ، و كمان ازاي نقدر نقول الشغل خلصdone definition   (و دي حاجة الفريق بيتفق عليها حسب متطلبات الشغل – اقترح عشان الexercise   انها تكون اننا نخلص development و testing  و fixing bugs ).

المفروض طبعا ان الفريق يتواصل مع بعضه احسن و اسرع عشان يلحقوا الdeadline القريب يعني لما يبقي فيه سؤال في حاجة تتعمل ازاي نحاول نوصل بسرعة للاجابة مش نفترض او نعمل اي حاجة . و الbugs تبقي communicated بسرعة و نشرحها لبعض عشان تتفهم و تتحل اسرع.

كمان ممكن يبقي فيه وقت idle مثلا لو testing مستني developer يخلص او العكس..عاده الtesting ممكن يكتب الtest cases او يحضر scenarios في الوقت ده ..او الdeveloper ممكن يبدا يحل الbugs اول باول مش يستني يومين تلاتة لحد ما الtesting يخلص..لو قفلت قوي ساعتها ممكن نشتغل في حاجة تانية بس نبقي مخططين انها تكون حاجة قد الوقت المتوقع اننا نبقي فاضيين فيه اللي هو بالكتير المفروض قليل

و كمان فيه معوقات زي اللي بيطلب مننا من بره الtask دي ، و دي ممكن نشوف اولويتها ايه جنب اللي بنعمله ..المفروض نكون بنشتغل علي الاهم في الاولوية ..بس برده ساعات بتطلع حاجات تانية ..احنا هنا نسال صاحب الطلب عن امكانية تاخير طلبه حتي لو يوم او اتنين لحد ما نخلص اللي متفقين عليه و نركز علي قد ما نقدر

اخر حاجة بقي الكلام ده مش بيظبط من اول مرة،متحبطوش و متستعجلوش ،عشان كده فيه iterations و فيه تقييم للشغل و فيه actions تتاخد عشان تحسن الشغل

للمراجعة عشان نعرف قيمة الworking software و الiterations يبقي نشوف القيم و المبادئ