2 Daily Stand up meeting – Agileافكار لتطبيق ال

و عشان بنركز جدا علي التواصل بين الفريق و الAlignment بينهم علي الشغل اللي بيعملوه ، فيه Technique مهم جدا بنستخدمه اسمه Daily Standup meeting  و ده واضح من اسمه اجتماع بيحصل كل يوم للفريق كله في نفس المكان و المعاد و بيبقي علي الواقف .

ايه موضوع علي الواقف ده هنفهمه لما نعرف الهدف من الاجتماع ده

الهدف ان كل واحد يبقي عارف الباقيين بيعملوا ايه ،اولا عشان لو انا معتمد في شغلي علي حد تاني ابقي عارف هو ايه نظامه و واقف في ايه ، لو انا الجزء اللي معايا هيتاخر اقول عشان لو حد معتمد عليا ،لو محتاج مساعدة في حاجة برده اقول ،لو حد من الفريق قال انه واقف في حاجة و انا اعرفها او عندي وقت اساعده اقول،كلنا في الاخر هدفنا نقفل الشغل كفريق

 و الاجتماع ده بيكون مدته بالكتير 15 دقيقة..خلوا بالكوا ان الفريق كله موجود لو بدانا رغي مش هنخلص و هنعطل الناس ..عشان كده بيكون علي الواقف،عشان الناس متقدرش تقف اكتر من 15 دقيقة فيضطروا ينجزوا

الstructure الطبيعي للاجتماع ده ان كل واحد بيرد علي 3 اسئلة

1. خلصت ايه امبارح ؟
2. هتخلص ايه انهرده ؟
3. فيه حاجة موقفاك او معطلاك ؟

طيب بعد الاسئلة دي اكيد فيه كلام بيطلع عن مشاكل او مساعدات ،ساعتها الكام واحد المختصين بده بيتقابلوا يتناقشوا في التفاصيل بعد الstand up.مينفعش اتنين او تلاته يتكلموا في مشكلة بتفاصيلها و الباقيين واقفين مش بيعملوا حاجة

و التزام الناس بالاجتماع ده مهم جدا ،حتي لو كنت اجازة اليوم اللي قبلها او مخلصتش اللي عندك او معندكش جديد تقوله ،لان دي في حد ذاتها معلومة ممكن تفرق مع حد تاني في الفريق او علي اساس الstatus بتاعت الفريق كله ممكن نتفق نغير الخطة .خلينا فاكرين اننا بنشتغل كفريق مش افراد.

كمان التزام الناس بميعاد الstand up مهم ، لان مش معقول هضيع 10 دقايق عشان الناس تتجمع عشان اجتماع 15 دقيقة

لو الفريق مش كله موجود في نفس المكان زي بلد تانية مثلا .. بيتعمل برده stand up عن طريق online conference or video call .و بيتظبط علي معاد يناسب الكل

اخر حاجة الstand up meeting ده مش status meeting ده team alignment meeting يعني مهم ان كل واحد يركز في اللي بقية الفريق بيقولوه عشان ممكن تفرق في شغله او يساعد غيره