4. Respond to change – Agileافكار لتطبيق ال

من الحاجات اللي بنتكلم عليها كتير و فوايدها عظيمة للمشروع هو تقبل التغيير و تنفيذه بسهولة ، لكن الاقتناع بيها و تنفيذها صعب الحقيقة.

اولا خلينا نتكلم احنا ليه اصلا نتقبل التغيير ، سواء من العميل او من الناس بتوع الBusiness او في السوق  ، او ساعات التغيير بيكون علي مزاج الtechnical team زي اننا نستخدم technology جديدة

الفكرة هنا ان التغيير حاجة لا مفر منها ، حقيقة ثابتة في شغلنا ، لا عمرنا هنقدر نحكم السوق انه ميتغيرش ، ولا تقدر تطلع requirments صح و ثابتة من الاول متتغيرش لمدة 6 شهور لان الsoftware حاجة بتبان ميزتها و عيوبها و احتياجاتها الاساسية لما تشوفها و تستخدمها ،صعب تتخيلها في الاول مش عمارة بتتبني عارفين كام دور و كام شقة من الاول، و طبعا محدش يقدر يحكم التغيير في التكنولوجيا اللي بقي سريع جدا و بيزود تطلعات المستخدمين و بيحط standards جديدة للسوق كل شوية.

يبقي اول حاجة عشان نتقبل التغيير اني اتعامل انه حاجة طبيعية مش مشكلة حصلت و هحلها، و اني اعمل حسابي من الاول ان الشغل ممكن يتغير مش اقعد اعمل حساب حاجات بعيدة و مش هتحصل و اعقد الشغل كاني ببني الهرم و بعدين يبقي تغييره صعب جدا.

تاني حاجة اني اشتغل بالطرق اللي تخلي التغيير سهل ، و اني اركز اني اخلي الناس اللي شغالين معايا يساعدوني اني اخلي التغيير سهل ، يعني لو الناس بتوع الbusiness مش حاطين priorities واضحة و الفريق فاهمها و شغال عليها صح ، طبعا التغيير في الbusiness requirments هيبقي صعب لان الفريق ممكن يكون لسه مشتغلش في حاجات مهمة و لازم يخلصها قبل ما نغير في اي حاجة ، او لو الناس مش مهتمة بالtechnical exellence من الاول و مش بيعملوا unit teting and testing automation طبعا التغيير هيكون مكلف جدا عشان نقعد نجري ورا كل اثاره manual ، لو احنا بنقعد نفتح شغل في كل الfeatures مرة واحدة و مش بنركز علي مبدأ الworking software طبعا التغيير بيكون صعب لاني برمي شغل كتير و معنديش state واضحة هخلص امتي ولا التغيير ده هيأثر فين بالظبط، الخلاصة هنا ان اي تقصير في مبادئ الAgile التانية بيأثر علي طول علي قدرة الفريق او المشروع علي استيعاب التغيير باقل التكاليف.

طيب هل عشان احنا نقدر نستوعب التغيير مش بنحاول نقلله ؟ لا طبعا بنحاول ، لما نعمل اهم features للعميل في الاول و ناخد عليها feedback اسرع ما يمكن بنحاول نخلي التغييرات (علي الاقل الجوهرية ) علي جزء صغير بدل علي المشروع كله في الاخر ، لما بنحاول نبني المشروع بflexible technical design  و evolving architecture ده بيكون عشان التغيير ميخليناش نهد كل حاجة و نبني من الاول .

في الاخر بقي مش بناخد التغيير و يلا نشتغل عليه بقي في اي وقت من غير خطة و لا اسئلة ولا تفكير ، اولا احنا لازم نسال ايه قيمة التغيير ده ، محتاجين فعلا نعمله ولا لا(simplicity يا جماعة )، هل انا محتاج استخدم التكنولوجيا اللي لسه نازلة دي ولا ممكن استني شوية و احسن الquality of the prodcut  في الوقت ده ، هل التغيير اللي طالبه العميل ده اهم من ال features اللي فاضلة لسه متعملتش ولا ممكن نطول الوقت ولا ايه  ، هو دايما التغيير بييجي مكان حاجة تانية و دايما فيه trade off،ولا ينفع اغير في حاجة الفريق شغال عليها و المفروض يسلمها كمان اسبوع و ماخدناش feedback ،كده مش هتخلص و هتتاخر و تاخر اللي وراها و مش هيبقي فيه feedback  .

لما بييجي التغيير بنشوف ايه الcost بتاعه و نحطه في الخطة في المكان المناسب للcost و اهميته و نغير الخطة علي الاساس ده ، بس نحاول دايما يبقي الcost اقل حاجة ممكنة.