6.Inspect and Adapt- Agileافكار لتطبيق ال

من نقط القوة في الAgile هي القدرة علي استيعاب التغيير و ان الفريق بيوصل لمرحلة انه يبقي Self Organizing و عشان نوصل لكده لازم نعمل Inspect and Adapt بشكل دوري بعد كل Iteration.

بالنسبة لاستيعاب التغيير ، الفكرة هنا اننا بنقف بعد كل Iteration نعمل Demo علي الWorking software اللي خلصناه و يحضره الناس بتوع الBusiness او احيانا العميل و نشوف اللي وصلناله ده مرضي للعميل و بيحل مشاكل المستخدمين فعلا ولا لأ ، و ده بيخلينا نعرف بسرعة لو فيه تغيير لاننا بنعمل ده كل فترة قصيرة و نعرف كمان لو محتاجين نغير خطة الiteration الجاية بدل ما نكمل شغل في اتجاه غلط.

كمان ده بيساعد الفريق انه يفهم المشروع و احتياجات العميل اكتر لانه بياخد Frequent Feedback و بيعرف اخطاءه اول باول عشان متتكررش في بقية المشروع زي مثلا لو الusability بتاعة حاجة صعبة علي المستخدم ، هعرف ده من اول feedback و اعمل حساب ده في بقية المشروع، او لو العميل هيبقي عنده data كتير جدا و مستخدمين كتير و مهم جدا الperformance بالنسبة له ، يبقي لازم اعمل حساب ده في الcode و الtesting و ممكن اضطر اعمل replanning بس الفكرة اني لو هغير في جزء هيبقي صغير و الباقي هيتبني من الاول صح بدل ما اغير كله في الاخر.

بالنسبة للفريق انه يبقي Self Organizing ،هي دي الطريقة اللي الفريق بيطور نفسه و يحل مشاكله و يتعلم من اخطاءه ، الفريق بيعمل Inspect and Adapt للprocess اللي شغال بيها بعد كل Iteration. الفريق بيعمل اجتماع بنسميه Retrospective ، و بنشوف ايه اللي بنعمله صح محتاجين نتاكد اننا دايما بنعمله و ايه اللي بنعمله غلط محتاجين اننا نبطله او نغيره و ايه اللي محتاجين نعمله عشان نطور شغلنا و لو فيه مشكلة معطلانا ايه خطوات حلها و مين اللي المفروض ياخد الخطوات دي.

و في الRetrospective ده بنشجع الفريق كله انه يتكلم و يقول رايه في اللي ممكن يتطور و المشاكل اللي حصلت و ازاي نحلها ، و لما بنتكلم علي المشاكل يبقي لازم نتكلم كفريق  عايزين نوصل لحلول مش اننا نفضل نلوم بعض و نغلط بعض ، و لازم راي الكل يتسمع و يتناقش مش حتي لو اقل حد خبرة ، في الاخر دي الناس اللي بتشتغل و الهدف انهم يشتغلوا احسن .

و الRetrospective ده لازم يتعمل بعد كل iteration و طبعا بنحطله TimeBox من ساعة لساعتين ، حتي لو الدنيا كانت ماشية كويس ، اكيد فيه حاجة ممكن تتطور ، و حتي لو مزنوقين في الوقت ، اكيد محتاجينه في الزنقة عشان لو فيه مشكله او حاجة ممكن تسرع .

في الاخر الشغل Agile هو Learning Journey و احسن حاجة عشان نتعلم هي اننا نقف و نقيم و نغير.