و مكنش مفيد Agile احنا جربنا
ناس كتير حاولت تطبق الAgile و مكنش مفيد بالنسبالهم ، او حسوا انهم بيعملوا meetings كتير ملهاش لازمة او لقوا ان النتيجة زي ما هي .
فيه ناس جربت تطبق الDaily Standup و الفريق كان بيبقي زهقان و مش مركز كل يوم
او ناس جربت تنزل tool زي jira او TFS عشان تنظم شغلها و الفريق كان شايف ده عبء عليه و مش بيشتغل عليها .
او ناس جربت تشتغل في iterations و محصلش فرق كبير في الشغل.
لو جربت تشتغل Agile و الدنيا مظبتش ممكن تشاركنا تجربتك هنا و نتعلم مع بعض.
Comments
فريق ال agile بطبيعته بيكون التواصل بينه علي جدا وأغليه وجها لوجه .. عشان كدة بيفضل يكونو قاعدين في نفس المكان عشان يتكلمو مع بعض كتير .. لكن ده لايعني انه طريقة تواصلهم العالية مع بعض تصلح بنفس الدرجة مع الناس اللي خارج فريق العمل
عدم وضوح الفارق ده عند الناس اللي بتشتغل agile بيسيبب مشكلة .. لأن الشخص اللي اتعود على الطريقة دي في التواصل بيكون أسهل حاجة عنده لما يحتاج حاجة من حد بره فريق العمل إنه يروحله على مكتبه ويقاطع أي حاجة بيعملها عشان يحل مشكلة عنده بغض النظر عن أولويات الطرف التاني .. لأنه بيعامله زي ما بيعامل أي حد في فريق عمله اللي هو بيكون شايف أولوياته وشغله كويس على عكس الناس اللي بره فريق العمل
المشكلة دي بتبان لما يبقي جزء من الشركة شغال Agile و الباقي مش فاهم ايه ده
من ناحية هو مش طبيعي ان الناس اللي مش معايا في الفريق تكون عندها نفس اولوياتي ، بس عن تجربة ساعات فيه حاجات مش بتخلص غير بانك تستعجلهم .
فيه حالات ممكن يبقي دور الscrum master التواصل مع الفرق التانية عشان موضوع تنسيق الاولويات ده ،
او علي الاقل لو فيه conflict هو يتصرف
لو هو شغل فريقين في نفس المشروع زي موبيل و backend يبقي لازم يعملوا ترتيب لخططهم مع بعض في كل iteration
لو هو طلب ليه علاقة بالbusiness يبقي ده دور الprodcut owner انه يتصرف
غير كده ممكن الscrum master يساعدهم يحطوا نظام يريح كل الاطراف و يكون سريع برده
مش حاسس انى مكنترول السيستم وفيه حاجات اخدت اعاده كود كان ممكن اسيطر عليها احسن لو كان فيه فترة اناليسز اطول
قريت فى كذا مكان ان ممكن نشتغل الفيز الاولى اناليسز و ريكويرمنت باى طريقه تانيه وبعدين نبتدى اجايل واسبرنتس بعد ما الفيز ده