Working software over comprehensive documentation يعني ايه
من ضمن القيم اللي اتكلمنا عليها من الmanifesto القيمة المهضوم حقها هنا دي
Working software over comprehensive documentation
الكلام ده يعني ايه ؟ المقصود هنا بالcomprehensive documentation مش شرح الsystem اللي بنكتبه في اخر المشروع و ان احنا بنفضل نعمل working software ، لا خالص مش كدا
المقصود هنا ان طول ما احنا شغالين بنهتم اننا نقفل شغلنا في شكل working software يعني حاجة جاهزة تتسلم للعميل ، بدل ما اضطر اعمل comprehensive documentation و اركز علي كل التفاصيل و شكل الdocument عشان لما ارجع للشغل ده بعد كده افتكره ، ساعتها الdocumentation ده هيكون ملوش لازمة و تضييع وقت ، انا بعمل documentation كفاية انه يبقي reference انا عملت ايه و اعرف اغير فيه بسهولة لاني عارف اني اكيد هغير.
الcomprehensive documentation ده بيبقي ليه اشكال كتير طول المشروع ، من اول الrequirement document اللي بنكتب فيها كل التفاصيل الي احتمال كبير تتغير ، و يبقي قدامنا حل من اتنين يا نسيب الشغل و نقعد نعدل في الdocument يا تبقي الdocument قديمة و غلط و ملهاش لازمة . اللي احنا بنعمله اننا بنكتب التفاصيل في الrequirments اللي احنا هنشتغل عليها قريب و عارفينها كويس و نركز علي اننا نعملها و نخلصها working software بدري و ناخد عليها feedback و نعمل minimum form of documentation عشان نعرف نعدل فيه بسهولة بعد كدا.
ممكن كمان الcomprehensive documentation ده يكون design document اللي برده بيتغير و ممكن يبقي outdated ، احنا لو ركزنا اننا نعمل working software و الشغل يخلص و ركزنا علي الفريق مش هنحتاج نعمل documentation للdesign document اكتر من رسمة او حتي صورة من الboard لان احنا هننفذ الdesign ده بعد ما نعمله بكام يوم و نفس الناس اللي عملته هي اللي هتنفذه و ممكن في الاخر نعمل واحد auto generated من ايtool بس يكون future reference .
و ده ينطبق علي كل وقت الشغل في المشروع ، انا ايه هو ال main deliverable اللي هسلمه في الفترة دي ؟ هل هو document ولا كود بس ولا feature شغالة اقدر اخد عليها feedback ؟ دايما نروح ناحية الworking software
تقدروا تقروا هنا عن الworking software و ازاي نشتغل في iterations
و هنا كلام اكتر عن قيم و مبادئ الmanifesto
