ليه تشترك معانا في المسابقة

الحقيقة يا شباب من اصعب الحاجات في دور الscrum master انه بيكون المفروض يشوف مشاكل و يحاول يحلها بس في اغلب الاوقات بيكون هو مش جزء من الحل اصلا هو مجرد عامل مساعد 

و ده اللي هنركز عليه في المسابقة دي ، ازاي انت و الفريق تتعاونوا و تلاقوا حل للمشكلة مناسب ليهم.

و أول نقطة عشان تعمل كده هي انك تسمع للناس اللي هتقدم الحل وتشوف ايه اللي مانعهم من انهم يطبقوا الحلول المقترحة و تشوف ايه الحلول المناسبة لكل فريق .

الكلام ده حلو قوي لما يتقال ببساطة كده ، بس تنفيذه صعب لأسباب كتير، اولها ان مش دايما الناس بتقول المشاكل ، ساعات بيخافوا او بيتكسفوا 

ثانيا ان كتير الناس بتوافق على حلول من غير ما تبقى قادرة تنفذها فعلا ، برده بيخافوا او يتكسفوا 

و كمان ساعات بيبقى الناس لسه معندهاش مهارة اقتراح حلول فعالة و الاتفاق عليها و تنفيذها.

ده غير طبعا ان فيه حلول كتير بتكون محتاجة اقناع للادارة 

هنا بقي يجي دور الscrum master انه يظبط كل حاجة عشان نعرف نلاقي الحل الصح و نطبقه و نطور شغلنا.

الجوايز

 الجوايزالمرة دي قيمة جدا هتكون اشتراك في الScrum Master Mentorship Program

و هو برنامج لمدة 6 شهور بنعمل فيه تقييم للscrum master و نشتغل معاه علي تنمية مهاراته و حل مشاكله في الشغل

الاول هياخد خصم  %75

التاني هياخد خصم %50

التالت هياخد خصم %25

و المفاجأة بقي ان كل اللي هيشارك هيبقي ليه خصم %10

تفاصيل المسابقة

نيجي للمسابقة بقي ، الحقيقة انا مش عايزة كلام نظري عن حلول المشكلات ، انا عايزة شغل عملي

كل موضوع او مشكلة هنتكلم فيهم هيكون فيها أطراف مختلفة ، هكون محتاجة و انت بتقدم لي الحل انك تكون اخدت رأى الأطراف دي و شوفت الحل بتاعك مناسب ليهم ولا لا.

مش لازم زمايلك في الشغل ، ممكن اي حد ممثل للأطراف دي .

يعني مثلا حد بيمثل الفريق و حد بيمثل الادارة و هكذا.

الناس اللي هتبقي معانا علي الفيسبوك تقدروا تاخدوا رأي الناس علي الجروب و هم يكونوا متعاونين جدا 

او حتي ممكن تستخدموا بروفايلاتكوا الشخصية علي linkedin او facebook و استخدموا هاشاتاج Agile_bel3araby_Competition# 

مع كل سؤال هينزل هيكون فيه شرح المشكلة وايه المعايير اللي نقيم علي أساسها الفايزين ، الناس اللي اشتركت معانا هتبعتلولنا الحلول بتاعتكو و في اخر كل اسبوع هطلع لايف و تشرح الحل و نقول مين اللي فايز

اشترك من هنا

ٍScrum Mastersمسابقة رمضان لل