Agileافكار غلط عن ال

الAgile بوجه عام من الحاجات اللي بتتفهم غلط كتير ،من اول يعني ايه Agile اصلا لحد الناس اللي بتطبق غلط او تسيب حاجات مهمة بمزاجها و ترجع تقول انه مش نافع.

مرجعنا في الكلام ده الAgile Manifesto اللي اتفق عليه الناس اللي اسسوا طرق الAgile و اللي نلاقي كلام اكتر عنه هنا

اول حاجة بتتقال ان الAgile دي process بيطبقها الdevelopment team و ممكن جزء من المشروع يكون شغال Agile و الجزء التاني لا .

الكلام ده غلط تماما ،الAgile هي mindset بتتطبق علي كل الفريق اللي شغال بما فيهم الbusiness people اللي شغالين علي المشروع، و ده لاننا بنعتمد علي الCommunication بين الفريق ، و كمان اهم حاجة اننا نطلع valuable working software للعميل و نعمل priotirization كويس لشغلنا عشان نقدر نحدد ايه الاهم

تاني حاجة بتتقال ان الAgile مش بيهتم بالplanning و اننا ماشيين من غير خطة ، ده كمان غير صحيح ، الplanning في الAgile  موجود و علي كل المستويات و كل الفريق بيعمله مش المدير بس ، بس احنا عشان مقتنعين ان التغيير جزء طبيعي من الشغل و مرحب بيه كمان بنعتمد علي الadaptive planning و ده معناه اننا بنغير الplan لما الدنيا تتغير و من الاول مش بنعمل plan مفصلة لحاجات احنا عارفين انها هتتغير بعدين ، و كمان كل شوية بتابع الplan بتاعتي و اغيرها لو فيه لزوم.

تالت حاجة ان الAgile بيضيع الوقت ، فيه concept مهم جدا لو مطبقناهوش فعلا هنضيع وقت كتير و هو الtimeboxing ، و هو اني ببساطة بحط حد وقت لاي اجتماع او activity بتتعمل و افضل متابعة الوقت

من الاخطاء اللي ممكن الناس تقع فيها ان لو المدير او الteam leader فاهم agile بيقول انا ممكن اشتغل Agile مع الفريق بتاعي من غير ما اعلمهم ، كده هتلاقيهم بيعملوا شوية meetings و activities من غير ما يبقوا فاهمين بنعمل كده ليه و هنفقد اهم حاجة في الAgile و هي انه mindset و لازم الفريق يكون بيتحرك بيها ، و كمان مش هتقدر توصل للself organzinig teams  و الانجاز اللي ممكن يحققوه .

حاجة كمان ان الAgile حاجة كويسة بس مش دلوقتي عشان احنا مزنوقين او عندنا مشاكل مادية ،  تطبيق الAgile بياخد وقت و مجهود و تدريب بس في النهاية هو بيوفر فلوس و مجهود كبير في الشغل يغطي تكلفته مش مجرد تحسين او رفاهية

اخر حاجة ان الناس فاكرة ان الAgile بيحل كل المشاكل ، بالنسبة لمشاكل الcommunication بين الفريق و الrequirements ده ممكن يكون سليم ، بس الميزة الاساسية في الAgile انه بيخليك مركز علي هدف صغير في وقت قليل ، بتبدأ المشاكل تبان من الاول و ساعتها انت و الفريق مسئولين تحلوها و تتابعوا حلها و ال Agile بيحط process لده اسمها inspect and adapt . بس لو محدش اخد خطوات لحل المشاكل دي اكيد هتفضل موجودة.

في الاخر عايز تفهم قد ايه انت فاهم Agile راجع الmindset بتاعتك و ارجع للAgile manifesto .

يا ريت تشاركونا انتو فاهمين ايه عن الAgile و لو عندكو سؤال عن حاجة .