Modern Agile اعد اناسا رائعين make people awesome
و نبدأ بأهم حاجة و اول حاجة الناس و المبدأ بيقول “اعد اناسا رائعين” او “make people awesome ” و اول حاجة تيجي علي بالنا مين الناس دول ؟ هم الdevelopers او الteam بتاعي يبقي شاطر و بيتعلم و مرتاح و مبسوط و هو شغال؟ ، و لا هم الusers اللي هيستخدموا الsoftware اللي بعمله و يبقوا مبسوطين بيه و فعلا بيحل مشكلتهم و الusability بتاعته جميلة ؟ ، ولا هم الناس بتوع الmarketing و الsales اللي يقدروا يبيعوا و يسوقوا للsoftware بتاعي كويس؟ ، ولا الmanagement بتاع الشركة اللي بيحقق نجاح؟
الحقيقة هم كل دول ، المقصود هنا بالناس كل اللي في الeco system بتاع الsoftware اللي بنعمله من اول الفريق اللي بيشتغل عليه لحد الsupport team او الdeployment team اللي هيشتغلوا عليه بعد كده . و طبعا مننساش الاساسي الusers اللي هيستخدموه و الclient اللي دافع فلوس فيه ، و ده هيخلي الmarketing team و الsales team عارفين يشتغلوا كويس و الشركة تنجح اكتر.
و الحقيقة كلمة awesome اشمل من رائعين او مبسوطين او مرتاحين او مبهرين ، هي الحقيقة كل ده في بعض ، make people awesome هي اننا يبقي عندنا هدف ان كل واحد يبقي برنس في نفسه كده ، انا شايفة ان ترجمة awesome هي برنس مش مكنش ينفع نكتب برنس في رسميا يبقي نمشيها رائعين 🙂 .
طيب برده ازاي اخلي الناس دي كلها رائعين او “awesome” ، اهم حاجة طبعا اننا نقدم منتج ليه قيمة و بيحل مشكلة حقيقية مش شوية features و خلاص ، مش بس كده لا كمان لازم اهتم بالusability و الquality بتاع الsoftware ، امال هخلي الuser برنس “awesome” ازاي .
وطبعا اعمل ده بسرعة و اني اخد feedback و اتعلم منه ، ده هيخلي الusers رائعين مبسوطين و مرتاحين و الفريق شايف قيمة اللي بيعمله و الشركة بتبيع اكتر و تحقق نجاح اكبر و كل الناس سعيدة و مبسوطة و awesome .
من الكتب اللي بتتكلم عن الموضوع ده و recommended في ال modern agile هو كتاب Badass: Making Users Awesome اللي بيتكلم عن ال product development اللي بتحط الusers اهم حاجة .
تاني حاجة اننا كلنا نشوف فين المشاكل و نحلها ، مسئوليتنا كلنا اننا نخلي كل الناس مرتاحة و عارفة تشتغل كويس و ان لو فيه مشكلة عن حد في الeco system و انا اقدر اساهم في حلها يبقي اعمل كده و مينفعش اقول مش مشكلتي و انتو مسئولين عن حلها، و نفس الكلام لو فيه حاجة نقدر نحسنها تخلي شغلنا اسرع و احسن يبقي ده هدف عندنا ، و احنا هنا بنقول كلمة رائعين او awesome يعني بندور علي التميز مش بس حاجة كويسة ، عايزين نوصل بالناس كلها لمرحلة رائعة ، بمعني ان الحاجات اللي شايفينها رفاهيات بقت مهمة طالما بتخلي الناس awesome .
و طبعا عشان نعمل ده لازم نهتم بالculture بتاعت الشغل و انها تخلي الناس تتعلم و تتطور و كل واحد يبقي برنس في شغله و الفريق يبقي بيتعاون مع بعض و بيساعدوا بعض مش اعداء و ان الناس تكون مبسوطة في الشغل مش متكدرة .
برده فيه كتب بتتكلم عن ازاي نعمل culture of happiness و نخلي الناس awesome زي Delivering Happiness و Managing Happiness .
طبعا الموازنة بين اننا نخلي كل الناس awesome مش سهلة و ده التحدي كله لان لو ركزنا علي مجموعة واحدة هنروح لطريق الفشل ، بس في نفس الوقت ده لازم يفضل ده هدفنا من غير ما نشوف بعض كاعداء او مجرد فرص او زبون . و اننا نفضل نحسن و نحل في المشاكل طالما اللي بنعمله بيعود علي الكل بالنفع.
يبان الكلام ده خيال ولا مش هينفع معانا او محتاج فلوس كتير، ده كلام ناس نجحت زي google و zapoos و airbnb و الموضوع كله beleifs و mindset و اولويات مش موضوع فلوس ، لو مش هينفع معانا عشان احنا متاخرين قوي و هناخد وقت اطول اننا نتبني المبادئ دي، بس لو عايز تنجح كموظف مش هينفع mindset انا كاره الشغل و جاي اكل عيش و لو عايز تنجح كمدير او صاحب عمل يبقي لازم تفهم انك تهتم بالعملاء و انك تحل مشكلتهم اهم حاجة و ان راس مالك الحقيقي في الناس لازم يرتاحوا و يتعلموا هم مش مكن.
شوفوا الkeynote و ادخلوا modern agile عشان تعرفوا اكتر عن الموضوع.
