Agile in action .. الشغل الكتير و الطحن و السهر

من المواقف اللي بتحصل كتير و ممكن تكون بتعمل نتيجة عكسية هي اننا نعتمد ان اي مشكلة هي حلها ان الفريق يشتغل كتير و يسهروا و الحقيقة اننا شفنا الكلام ده كتير بس مش ده اللي دايما بيحل المشكلة ان ما كانش بيزود المشاكل و زي ما هو معروف في النكتة ان nine women can’t deliver a baby in one month

اول مشكلة بيعملها الmodel ده هي ان الناس ساعات كتير بتيجي علي الquality بكل انواعها بقي من اول الcode quality لحد الbugs و حلها و اننا بنتضطر نحل اهم حاجة و بس و منعملش testing كويس و منكتشتفش كل الbugs  اللي عندنا

تاني مشكلة ان الcompromises اللي ممكن تتعمل بتحصل في وقت متأخر جدا و مش بيكون عندنا options كتير نختار منها ، يعني مثلا حتي لو تنازلنا و قررنا نعمل descope لجزء بيكون صعب اختيار اي جزء لان كله اتعمل منه جزء و لسه مش متقفل و كله معتمد علي كله مش معمول حساب التغيير او الحذف فحتي الحذف بيكون صعب و مكلف. و لو حبينا نمد في الوقت برده بيكون متأخر جدا انك بتكون رتبت حاجات علي الrelease دي و اصلا بنكون مش عارفين محتاجين وقت قد ايه و مهما حطيت buffer بيروح 

أخطر حاجة في الموضوع ده ان النتيجة بتكون غير مرضية مع ان الفريق تعب جدا و سهر كتير و عمل اقصي ما في وسعه و هنا بيحصل حاجة من الاتنين يا اما بعد كل التعب ده المشروع برده بيفشل و الناس بتكون محبطة جدا و الادارة بتعنف الناس علي فشل المشروع و هنا بيخسروا الموظفين خالص مش بس في المشروع ده لا في اي مشروع تاني او الحاجة الألطف شوية ان الادارة بتفدر تعب الناس بس المشروع بيخسر برده و مفيش امل ان الحياة دي تتغير او اننا نتعلم ازاي ده ميحصلش تاني و هنا نيجي نتصدم بالواقع ان الشركة مش بتكسب و مفيش زيادات مع اننا بنتعب و نسهر و نتفحت طول السنة.

طيب هل الagile يقدر يحسن شوية من القصة الحزينة المتكررة دي ؟ طيب خلينا نشوف ايه اصلا سبب المشكلة ؟

اول حاجة اننا بنتعامل مع الrequiremens علي انها حقايق مش ممكن تتغير واننا فاهمينها كويس جدا و علي الاساس ده بنحط absolute estimate و نحط الbuffer و نقول hard date بقي اننا نقدر نسلم فيه و مقتنعين اننا نقدر و نحط plan عظيمة و نcommit عليها

مش بس كده ده كمان المشروع بيبقي شغال fixed scope , fixed time و الناس اللي بتشتغل بيتفرض عليها estimate مش بيقدروا يعملوا commit عليه

و الحقيقة دي كلها افتراضات غير صحيحة لان في اي مشروع software في حقيقة ثابتة ان change is a fact و اننا عمرنا ما بنكون فاهمين المشروع بكل تفاصيله بدقة من الاول ، لو بس غيرنا نظرتنا للامور من الاول طريقة شغلنا هتتغير تماما بدل ما احنا داخلين واثقين من كل حاجة لا ده احنا داخلين يا دوب بنتعلم و عارفين اننا لازم نعملassumption validation لكل حاجة عشان متحصلش مشاكل.

تاني حاجة اننا بنعتمد علي اشخاص مش علي فرق و كل واحد بيبص للمشروع من ناحيته من غير ما يبقي فاهم هدف المشروع او بقيه الفريق بيعمل ايه و نضيع وقت طويل جدا في المهاترات بين الناس اللي شغالين

تالت حاجة اننا بندأ المشروع و احنا واثقين في الplan جدا لدرجة اننا بنبدأ نشتغل علي كل حاجة من غير ما نقفل اي حاجة حتي لو عايزين نقفل بنكون من عارفين و مش بنعمل adaptation في الplan غير لما تبوظ.

كمان من المشاكل اننا عشان نوفر وقت بنقلل قوي الوقت اللي الفريق يفهم فيه المشروع و ده بينتج انهم ممكن يعملوا حاجات غلط و ترجع تتعاد في وقت اطول.

الحقيقة مش دي بس المشاكل ، عايزين الناس تقول رأيها كمان و بعدين نتناقش ازاي الagile بيحل الكلام ده

لو عايزين تعرفوا اكتر عن الطرق اللي بشتغل بيها مع الفرق و ازاي بنعمل تأثير تقدروا تشتركوا في البرنامج الإرشادي ده و هتابع معاكو.

https://shokrof.com/agile-online-coaching-program-registeration