مسئولية مين؟ Agile تطبيق – Agile Responsibilities
كتير بتسأل السؤال بتاع تطبيق Agile مسؤولية مين ؟ و ازاي نحدد ال Agile Responsibilities ؟
و هنا الاجابة العامة بتكون مسؤولية الفريق كله و كمان الشركة كلها ، لأن كل واحد ليه دور في التطبيق وكل واحد هيتغير في طريقة شغله و طريقة تفكيره حاجات عشان في الاخر نعرف نشتغل كلنا بشكل مختلف و في نفس الوقت متناغم مع بعضه .
يعني مثلا الديفلوبر هيكون محتاج يقسم شغله بشكل مختلف و يسلم أجزاء أصغر بشكل أسرع و في نفس الوقت محتاج ينمي مهارات التواصل عنده عشان بيتعامل مع بقية الفريق بشكل احسن .
مثال تاني المدير محتاج يغير طريقة تقسيم الفريق و إدارته ليهم عشان تتناسب مع الطريقة الجديدة للشغل و كمان القيم الجديدة اللي محتاجين الفريق يتعلمها .
بس بشكل عملي لما بنيجي نطبق ال Agile بتكون رحلة طويلة و محتاجة صبر و تركيز و محتاجة دايما نشوف اخطائنا و نتعلم منها و نصلحها.
عشان كده بشوف ان لما بيبقي في كل مكان شخص مسئول عن التطبيق ويتابعه و بيفكر الناس و يشوف فين المشاكل و ايه الطرق اللي ممكن يحلها بيها ده بيساعد كتير الشركات أنها تستمر في رحلة التطبيق بنجاح و هو اللي بيساعد الناس انهم يفتكروا مسئولياتهم في تطبيق الAgile .
عاده بيكون ده ال scrum master او Agile coach او ال team leader او حتي ال technical manager او CTO ، المهم انه يكون بيتعلم و عنده هدف أنه يحسن طريقه الشغل و نحل مشاكل المكان .
و لأن الرحلة طويلة ، دايما بقول ان مهم جدا اننا نركز علي اهم المشاكل و نحلها و مهم قوي المسئول عن التنفيذ يكون عارف المشاكل الموجودة و عارف اولوياتها كويس و عارف يشتغل عليها ازاي .
و ده الدعم اللي احنا بنقدمه للشركات من خلال ال Applied Agile Coaching Program بتاعنا المختلفة سواء هو (Team Coaching /Leaders Coaching /Consultation) و طبعا كلهم بيكونوا مركزين علي دعم التطبيق كل واحد علي حسب مسئولياته
الCoaching مبني علي ال Applied Agile Framework اللي تقدروا تعرفوا عنه اكتر من هنا
