مسئولية مين؟ Agile تطبيق
كتير بتسأل السؤال بتاع تطبيق Agile مسؤولية مين ؟
و هنا الاجابة العامة بتكون مسؤولية الفريق كله و كمان الشركة كلها ، لأن كل واحد ليه دور في التطبيق وكل واحد هيتغير في طريقة شغله و طريقة تفكيره حاجات عشان في الاخر نعرف نشتغل كلنا بشكل مختلف و في نفس الوقت متناغم مع بعضه .
يعني مثلا الديفلوبر هيكون محتاج يقسم شغله بشكل مختلف و يسلم أجزاء أصغر بشكل أسرع و في نفس الوقت محتاج ينمي مهارات التواصل عنده عشان بيتعامل مع بقية الفريق بشكل احسن .
مثال تاني المدير محتاج يغير طريقة تقسيم الفريق و إدارته ليهم عشان تتناسب مع الطريقة الجديدة للشغل و كمان القيم الجديدة اللي محتاجين الفريق يتعلمها .
بس بشكل عملي لما بنيجي نطبق الAgile بتكون رحلة طويلة و محتاجة صبر و تركيز و محتاجة دايما نشوف اخطائنا و نتعلم منها و نصلحها.
عشان كده بشوف ان لما بيبقي في كل مكان شخص مسئول عن التطبيق ويتابعه و بيفكر الناس و يشوف فين المشاكل و ايه الطرق اللي ممكن يحلها بيها ده بيساعد كتير الشركات أنها تستمر في رحلة التطبيق بنجاح.
عاده بيكون ده الscrum master او Agile coach او الteam leader او حتي ال technical manager او CTO ، المهم انه يكون بيتعلم و عنده هدف أنه يحسن طريقه الشغل و نحل مشاكل المكان .
و لأن الرحلة طويلة ، دايما بقول ان مهم جدا اننا نركز علي اهم المشاكل و نحلها و مهم قوي المسئول عن التنفيذ يكون عارف المشاكل الموجودة و عارف اولوياتها كويس و عارف يشتغل عليها ازاي .
و ده الدعم اللي احنا بنقدمه في الcoaching program بتاعنا المبني علي ال Applied Agile Framework اللي تقدروا تعرفوا عنه اكتر من هنا
