Agile خطوات تحسين المتطلبات بطريقة

خطوات تحسين المتطلبات بطريقة Agile

هنكمل كلام عن ازاي نطبق الAgile في الشغل عندك بشكل Agile و دي الطريقة اللي انا بشتغل بيها مع الفرق و بتجيب نتيجة كويسة .

المرة اللي فاتت اتكلمنا عن خطوات تطبيق scrum عشان نقدر نحقق تطوير مستمر حتي لو مش هنطبق كل حاجة بحذافيرها من الاول.

بس طبعا مهما كان عندك احسن process في الدنيا لو المتطلبات مش واضحة او غلط هيكون الoutput بتاع الsprint مش بيقدم قيمة.

عشان كده المرة دي هنتكلم عن المشكلة التانية و هي مشكلة وضوح المتطلبات و الي طبعا بيأثر علي الestimates و التسليم

و هنا برده هنتكلم علي الخطوات اللي تركز عليها عشان تقدر تظبط المتطلبات :

ركز علي الgrooming و تحضير المتطلبات في شكل user stories من قبل الsprint بفترة كافية عشان تكون جاهزة و واضحة و متراجعة كويس قبل الsprint planning
يفضل ان الفريق ميكونش بيسمع المتطلبات الجديدة في الsprint planning لاول مرة ، ممكن ناخد ميتنج صغير قبل الplanning بكام يوم عشان لو فيه سؤال او حاجة ناقصة نلحق نحلها و نجهز الشغل ، و مع خبرتي مع فرق كتير دايما بيبقي فيه حاجة ناقصة .
دايما حاول تكسر المتطلبات بشكل يكون بيقدم قيمة و فيه مفس الوقت صغير عشان الناس تعرف تخلص شغل جوا الsprint ، دايما بسمع كلمة مينفعش تتكسر و في الretrospective يرجعوا يقولوا ياريتنا كسرناها ، يبقي نحاول نكسرها من الاول احسن
بلاش نركز مع الestimates من اول يوم ، لو عرفت تحسب الفريق بيخلص قد ايه كل sprint و بقي عندك velocity يبقي هتعرف تقيم اللي جاي ، عشان كده بركز الاول علي الانجاز و بعدين الestimates .

و زي ما قلت متستعجلوش النتائج ، ندي لكل خطوة حقها اننا تتظبط و هتلاقوا تطور كويس مع الوقت و مع ان الفريق ياخد خبرة في التطبيق

لو عايزين تعرفوا اكتر عن الطرق اللي بشتغل بيها مع الفرق و ازاي بنعمل تأثير تقدروا تشتركوا في البرنامج الإرشادي ده و هتابع معاكو.