Agile Estimation and Planning

ازاي تقدر تحسن مهارات ال agile estimation بتاع الفريق ؟

ساعات كتير الناس بتيجي تقولي احنا مشكلتنا اننا مش عارفين نخطط صح او مش عارفين نحدد الوقت الestimated للtasks و ساعات بيضرب معانا 5 اضعاف .

و هنا الناس بتكون فاهمة ان حل اننا نتعلم اكتر عن الstory points و الvelocity و الpractices بتاعت الplanning عشان نحل المشكلة دي.

بس للاسف مشكلة التخطيط في معظم الاحيان بيكون ليها جذور في طريقة الشغل نفسها او طريقة تفكير الفريق و الادارة و الحل مش دايما انك تتعلم اكتر عن التخطيط نفسه قد ما الحل انك تحل المشاكل دي 

عشان كده انا لما بشتغل Applied Agile Coaching   مع الشركات ، اول مرحلتين بشتغل عليهم بيكونوا مرحلة Agile Delivery Cycle و Agile requirements Engineering 

و بعدين بعدهم تيجي مرحلة Agile Estimation and Planning   اللي بنجني فيها ثمار اللي اتعلمناه و عملنا فيه تغيير في المرحلتين اللي فاتوا .

هنتكلم هنا عن بعض المشاكل الجذرية اللي بتخلي الفرق مش عارفين يخططوا صح :

1. مفيش عندنا cross-functional team شغالين مع بعض علي جزء end to end و ده بيخلي ان الشغل يخلص اصلا و متابعته حاجة صعبة لأنها من بين اكتر من فريق كل واحد ليه خطة غير التاني ، و هنا بيكون صعب انك تخلي الشغل يخلص للاخر و يتسلم مش بس انك تخططله .
2. مفيش عندنا process واضحة للشغل و ده مخلينا مش عارفين نحدد الـ history بتاع الفريق و طبعا مش عارفين نتوقع او نخطط لأننا مش عارفين احنا ماشيين ازاي اصلا .
3. مفيش تحديد للخطوات اللي الشغل محتاجها عشان يتسلم صح ، اللي هو الdefinition of done وعلى الأساس ده مش عارفين نحدد حجم الشغل المطلوب في كل feature اوtask و ساعتها يا اما بندي estimate قليل قوي يا اما buffer كبير.
4. تضارب الأولويات و اننا ندخل شغل عاجل يعطل شغل تاني ، لو ده بيحصل بشكل مستمر مش هنعرف نخطط طبعا لان دايما اي خطة بتضرب ساعة التنفيذ .
5. عدم وضوح المتطلبات ساعة التنفيذ ، الفريق بيدخل يشتغل علي حاجة مش عارف تفاصيلها و بيكتشف و بيغير و هو شغال ، طبيعي جدا مش هيعرفوا يعملوا estimate لحاجة بتكبر و بتتغير طول الوقت.
6. التعامل مع المتطلبات الكبيرة بدون تكسير لاجزاء صغيرة قابلة للتسليم ، من طبيعة المتطلبات الكبيرة انها بتكون مطاطية ، غير واضحة ، بعض الاجزاء فيها risks ، غير قابلة للتنظيم عشان كده من الطبيعي اننا منعرفش نخطط ليها صح .
7. عدم قدرة الفريق على تكسير الشغل tasks  صغيرة و يحددوا نقاط الاعتمادية بينهم عشان يعرفوا يحددوا حجم الشغل و تعقيداته و لو فيه اي risks ، ده بيخليهم مش قادرين يشوفوا حجم الشغل الحقيقي او المشاكل اللي ممكن تعطلنا 
8. عدم الاهتمام بالquality و بنطلع الشغل و نحل مشاكله لما العملاء يشتكوا و ساعتها بنلاقي اننا دايما بنسيب شغلنا اللي مخططين ليه و بنحل مشاكل الشغل اللي فات اللي مكناش مخططين ليه صح و اهملنا الquality بتاعته و نفضل في دايرة خبيثة طول الوقت .
9. مشاكل التواصل بين الفريق و اننا مش عارفين نتفق علي خطوات محددة و بالتالي مش عارفين نخطط صح .
10. ان الناس تكون بتشتغل علي حاجات غير اللي في الخطة ، ساعتها لا الشغل اللي جوه الخطة بيخلص ولا الحاجات التانية بتخلص و طبعا الخطة بتبوظ 
11. ان الناس تكون بتشتغل علي الحاجات اللي في الخطة بس فاتحين كل الحاجات في نفس الوقت مش نخلص حاجة و نبدأ في غيرها أو نطبق work in progress limit عشان في الاخر منوصلش اننا نتوه و منعرفش نخلص حاجة من الخطة او علي الاقل جزء كويس منها 

دول اكتر الاسباب اللي بشوفهم و عادة بيكونوا عدة أسباب مجتمعة مع بعض ، لو عندكم المشاكل دي فاحب اقولكم ان الحل مش بس في التخطيط ، دي مشاكل في نظام الشغل نفسه أو في الاولويات او في المتطلبات وطريقة إدارتها .

بس الخبر الحلو ان المشاكلبتاعت Agile Estimation دي متكررة و معروفة و ليها حلول 

نظام التخطيط المرن اللي بنستخدمه في الagile بسيط جدا وسهل تستخدمه و تتعلمه لو الاساسيات مظبوطة إلى حد كبير 

و ده الدعم اللي احنا بنقدمه في الcoaching program بتاعنا المبني علي الApplied Agile Framework اللي تقدروا تعرفوا عنه اكتر من هنا

https://shokrof.com/agile-online-coaching-program/