Scrum خطوات تطبيق
هنا هنتكلم عن تطبيق Scrum مع الفرق الجديدة و ازاي ممكن يبقي منظم .
احنا قلنا كتير قبل كده ان اهم حاجة في الagile هي الagile mindset .
و دي مش بس بتطبق في المشروع دي بتتطبق في اي حاجة تطبيق الAgile نفسه.
يعني نقسمها خطوات و نبدأ نشتغل علي الاهم و نحقق تطور نسبي في خطوات ورا بعض.
عشان كده انا دايما بنصح الناس و هم بيطبقوا Scrum انهم يبقي عندهم صبر و هم ميستعجلوش نتائج كتيرة المهم انه يبقى فيه تقدم مستمر حتي لو صغير.
و انا مع الفرق اللي بشتغل معاهم بحاول دايما اركز علي الخطوات دي بالترتيب ده :
- يكون الفريق بيسلم شغل متقفل في آخر كل sprint و ده يخلينا نركز علي definition of done حتي لو بسيط , دي اساسيات Scrum
- لازم نعمل retrospective اخر كل sprint لان ده اللي بيضمن لنا اننا نتطور و نحل مشاكلنا ، و طبعا في اول فترة نكون مركزين احنا ليه مش بنسلم شغل متقفل كل sprint
- نركز علي الSprint Planning و مهم قوي نطلع منه بهدف و خطة واضحين للsprint و ده اللي بيخلينا نطلع شغل كويس و نقدر نطلع شغل اكتر بس المهم انه يكون متقفل صح .
- نركز علي ربط الdaily standup بالهدف و الخطة و نبقي دايما مركزين علي تحقيقهم.
و زي ما قلت متستعجلوش النتائج ، ندي لكل خطوة حقها اننا تتظبط و هتلاقوا تطور كويس مع الوقت و مع ان الفريق ياخد خبرة في التطبيق
لو عايزين تعرفوا اكتر عن الطرق اللي بشتغل بيها مع الفرق و ازاي بنعمل تأثير تقدروا تشتركوا في البرنامج الإرشادي ده و هتابع معاكو.
https://shokrof.com/agile-online-coaching-program-registeration/
